22.11.17

Un fogar na música.


Quizais chegou o momento, case un ano despois, de explicar o por que.
Amante da miña cultura, a galega, toco a gaita e pandeireta dende os 10 anos e bailo nun grupo de baile tradicional. Despois de 8 anos tocando a gaita deixeina de lado. Gardeina na súa funda e quedou no faiado. Cheguei a sentir incluso fastío*, que perdera o tempo ata ese momento dedicándome a aprender a tocar. Tomei entón como mellor amiga a pandeireta, acompañándome en cada respiro musical que facía. Deixei o grupo e mudei a outro, rodeime de nova xente, xente que me aportaba dita* e coa que conectaba ben.
O ano pasado fixen o meu primeiro período de prácticas dentro da carreira. Tiven a sorte de atoparme cun profesor de música que ademais de querer o seu traballo, era un gran gaiteiro. Empregaba o instrumento nas clases para facer que fosen máis didácticas e amenas, para crear musicalidade e aprender ritmos. Máis sorte aínda foi a conexión que creei con el. As ideas e propostas que compartíamos, e sobre todo, o cariño polo tradicional galego.
E foi aí cando volvín sentir eu o amor pola gaita, cando a vin como un recurso para o meu futuro, para aprender eu e aprenderen os nenos e as nenas comigo, para compartir cos demais, para crear amizades e para expresarme.
Dentro do meu novo grupo de pandeireta apunteime a clases de gaita para retomar o que antes deixara, e volvín ter sorte de novo. Atopeime con outro gran gaiteiro que soubo transmitirme o que eu nese momento precisaba: un fogar na música.



*Fastío: cansazo ou descontento pola falta de interese e atractivo de algo.
*Dita: sensación de pracer e satisfacción total que se ten cando un está completamente a gusto.

13 comentarios:

  1. Pois sí que tes sorte, empezar dende pequena coa gaita e o baile. Outros non tivemos esas inquedanzas, e aínda que nunca é tarde, ao final quedan para outra tempada. Polo menos a guitarra batémola dende hai tempo e teño un bo amigo que é mestre de gaita e é unha ledicia escoitalo. Xa vexo que aprendiches a lección e non voltarás a apartarte da música galega. Apertas.

    ResponderEliminar
    Respostas
    1. A guitarra é un instrumento que sempre tiven pendente e que gardo con moito cariño. A ver se atopo un oco no meu tempo para porme con ela pronto.
      Dá gusto ter amigos músicos, apréndese moito con eles, e deles.

      Eliminar
  2. La gaita es uno de esos instrumentos a lo que hay que hacerle sonar con amor, verdad?
    Muchos besos RM :)

    ResponderEliminar
    Respostas
    1. Pienso que cualquier instrumento necesita del amor de su músico para que suene bien, o mejor dicho, para que su sonido llegue al corazón de los que escuchan.
      ¡Saludos!

      Eliminar
  3. Me encanta volver a leerte, mi niña.

    No me desagrada el sonido de la gaita,me resulta curioso.

    Besos enormes y feliz día.

    ResponderEliminar
    Respostas
    1. Cualquier instrmento tiene un sonido curioso si lo analizamos al menos por un segundo.
      ¡Abrazos!

      Eliminar
  4. El sonido de la gaita.. envuelve... un saludo desde Murcia...feliz año...

    ResponderEliminar
  5. É moi grande o poder de transmitir que posúen alguns maestr@s. Alégrome de que se dera a fermosa coincidencia de ter un bo mestre e ser unha alumna con moito afán de aprendizaxe.
    O son que produce a gaita abre no meu ánimo todo un mapa de sensacións profundas, distintas a calquera outro son que escoite.
    Bon Día de Reis!!

    ResponderEliminar
    Respostas
    1. E eu alégrome de poder ter sempre as túas verbas entre os meus comentarios :)

      Eliminar

Grazas!

Os que me seguen